Entrance to Uitkyk Manor Photo by Willem Malherbe - click for enlargement

J. C. Kannemeyer P.O.Box 1306 Stellenbosch 7599 Tel/Fax: 021 887 2744 Afrikaans CV    Books Reis saam met John Kannemeyer en Wium van Zyl: Literêre Storietoere se reiskalender For reservations or phone/fax Prof van Zyl 021 976 5775

An authority on Afrikaans Literature, J. C. Kannemeyer published books on the history of Afrikaans literature and biographies of writers.
Extraordinary Professor of Afrikaans and Dutch at Stellenbosch University and independent author and researcher.

In 1993, John Kannemeyer, with Wium van Zyl, began to organise literary tours.
Reservations for: John Kannemeyer's Literary Tours (in Afrikaans): Prof Wium van Zyl Tel/Fax: (021) 976-5775

John Christoffel Kannemeyer is op 31 Maart 1939 op Robertson in die Wes-Kaap gebore. Ná voltooiing van sy skoolloopbaan op sy tuisdorp studeer hy aan die Universiteit van Stellenbosch waar hy in 1964 die graad D.Litt. onder promotorskap van prof. D J Opperman behaal met ’n studie oor Die stem in die literêre kunswerk (1965).
In 1962 word hy aangestel as lektor in Afrikaans en Nederlands aan die Universiteit van Kaapstad, en daarna doseer hy agtereenvolgens aan die Randse Afrikaanse Universiteit en die Universiteit van Stellenbosch.
In die periode 1982-1987 is hy hoogleraar in Afrikaans en Nederlands aan die Universiteit van die Witwatersrand. Daarna is hy senior navorsingspesialis by die R.G.N. in Pretoria.
Sedert September 1992 woon hy weer op Stellenbosch waar hy voltyds navorsing doen en as vryskut werk. By herhaling bring hy studiebesoeke aan universiteite in Nijmegen, Amsterdam en Leuven en doseer hy oor die Afrikaanse letterkunde.
In die jare 1976-1983 behartig hy die redaksie-sekretariaat van die letterkundige tydskrif Standpunte. Saam met Wium van Zyl organiseer hy, as neweproduk van sy biografiese ondersoeke, vanaf 1993 literêre reise op die voetspoer van bekende skrywers. Hy is lid van die Maatschappij der Nederlandse letterkunde.

Naas sy doktorale proefskrif publiseer dr. Kannemeyer onder meer ’n inleiding tot die tegniek van die prosa (Prosakuns, 1969), ’n beskouing oor Etienne Leroux se Sewe dae by die Silbersteins (Op weg na Welgevonden, 1970), 'n bloemlesing met kommentaar uit die sewentiende- eeuse Nederlandse poësie (Nederduitse digkuns, 1973), ses bundels kritiese opstelle (Opstelle oor die Afrikaanse drama, 1970, Konfrontasies, 1977 Getuigskrifte, 1989, Die bevestigende vlam, 1990, Ontsyferde stene, 1996), Op weg na 2000, 1998 en ’n studie van Die dokumente van Dertig (1990). In Figuur en fluit (1992) en Die gespitste binneblik (1995) ondersoek hy die kunsopvattinge van D.J. Opperman, Martinus Nijhoff en Elisabeth Eybers. Verder redigeer hy werke van Uys Krige, D.J. Opperman, Eybers, Leroux en Kees Konyn en stel hy die versamelde gedigte van C. Louis Leipoldt en Krige saam. Hy publiseer ook ’n Afrikaanse poësiegids (Verse vir die vraestel, 1998) vir gebruik op hoër skole. Hy skryf ook die teks van sy en Wium van Zyl se Kaap van skrywers, 2000.

Kannemeyer is egter veral bekend as literatuurgeskiedskrywer en biograaf. As historikus publiseer hy ’n tweedelige Geskiedenis van die Afrikaanse literatuur (1978 en 1983), Die Afrikaanse literatuur 1652-1987 (1988) waarby Op weg na 2000 (1998) aansluit en A history of Afrikaans literature (1993). Op die gebied van die biografie lewer hy D.J. Opperman (1986) en Wat het geword van Peter Blum? (1993), Langenhoven: 'n Lewe, (1995) en Leipoldt: 'n Lewensverhaal, (1999). By eersgenoemde werk sluit aan die Die bonkige Zoeloelander (1994), Opperman se lewe in beeld; by Langenhoven: 'n Lewe Die dienswillige dienaar (1995), ’n Langenhoven-fotoboek en Arbeidsgenot: 'n Besoekersgids (1995); en by Leipoldt: ’n Lewensverhaal Uit die skatkis van die slampamperman: 'n Leipoldt-omnibus, (1999) en So blomtuin-vol van kleure: Leipoldt oor Clanwilliam (1999)); By Die goue seun Uit die skatkis van die goue seun en Die naamlose muse (albei 2002).
Jan Rabie: ’n Biografie,Tafelberg, 2004

Vir Geskiedenis van die Afrikaanse literatuur I ontvang Kannemeyer in 1979 die Recht Malanprys, vir D.J. Opperman in 1987 die Ou Mutualprys vir Nie-Fiksie en vir sy werk as letterkundige in 1988 die Gustav Prellerprys vir Literêre Kritiek. Hy ontvang weer in 1996 en in 2000 die Recht Malanprys vir sy biografieë oor Langenhoven en Leipoldt onderskeidelik. Sy Leipoldt-biografie word in 2000 met die Helgaard Steyn-toekenning bekroon. Vir 'n opstel oor "Uys Krige en die Suid-Afrikaanse politiek" ontvang hy die C. Louis Leipoldt-prijs van die Maatschappij der Nederlandse Letterkunde. In 2003 ontvang hy die N.P. van Wyk Louw-medalje van die Suid-Afrikaanse Akademie vir Wetenskap en Kuns.

www.StellenboschWriters.com © Rosemarie Breuer